Wenn euse Fotograf de Andi ändlich es Föteli vo üsere Mannschaft (Schlieren 6) mache wördi, denn wörded alli gseh, was för cooli Jungs und Mädels i dem Team spieled. Agführt vo vo üserem Servicemann Patrick Nyffeler und de Roberta Olivetti speled i dem Team no vier Kids met.
Eine devo esch üse Captain de Issa (Jahrgang 2007) wo i de Deffensive e Bank esch, denn Tamara (Jahrgang 2009) cool und abgebrüeht, ehri Zuspiel eifach genial, dänn öisi Schlägerin Laura (Jahrgang 2009) zueverlässig wie immer, nor mängisch hed si glaub Harz a de Sohle, denn bim Abschluss gumpet sie nie, was halt denn öppe en Tusch ged.
Denn hemmer no de Dylan (Jahrgang 2010) üse Zappelphilipp, wird viel i de Deffensive igsetz und au am Schlag e betzli ungeduldig und ergendwie doch genieal sini Abschlüss.
Das send die vier Chind wo sech i de ¾ Liga behauptet al wärs das normalste vo de Wält. Immerhin hends a de erste beide Spieltäg scho 10 Punkt gsammlet was meh als genial esch.
Komplimänt vo fascht alle Gägner, wo emmer alles münd gäh, dass überhaupt ned under Räder chömmed, send ene sicher wies Amen i der Chile.
Die paar Blessuren und Wehwechen die de Nyffi und Roberta nach de Spieltäg heiträge, au wenns chum no chönd laufe, stecke die zwei locker weg, denn schliesslich wönds jo weder spiele wenns zum nächschte Spieltag god.
Stolz machts mi scho Schliere 6 dörfe choache, denn no sälte hani so e Truppe gah, wo so motiviert und disipliniert ufträte esch.
FBS Schlieren 6 das sind: Roberta, Laura, Tamara, Dylan, Issa, Patrick Nyffeler
Coach Armin